உங்களுக்கு தெரியுமா..? புவி சூடாதலின் விளைவுகள்

Puttalam News

ஹெட்போன்கள் : நம்பமுடியாத பக்க விளைவுகளும், தப்பிக்கும் வழிகளும்..!

மிகவும் 'டிரெண்டான' மற்றும் மிகவும் சிறிய கருவியான ஹெட்போன்கள் உங்கள் காதுகளுக்கு இசையை மட்டுமே வழங்குகிறது என்று நீங்கள் நினைத்தால் அது உங்கள் அறியாமைக்கு அடையாளம். எப்போதும் கைகளில் மொபைல்போன், காதுகளில் ஹெட்செட் என திரியும் நம்மில் பலருக்கு மொபைல்போன்களும், ஹெட்போன்களும் உடல் உறுப்புகளில் ஒன்றாகிவிட்டது என்றே சொல்லலாம். 

பிறரை தொந்தரவு செய்யாமல் இசை கேட்க வேண்டும் என்ற தேவைக்காக நம் காதுகளுக்குள் புகத்தொடங்கிய ஹெட்செட்கள் தற்போது சாலையோரம்- பேருந்து - ரயில் - ஸ்கூட்டார் பயணம் தொடங்கி உறங்கும் போது கூட நம் காதுகளுக்குள்ளேயே திணிக்கப்பட்டு கிடக்கின்றன என்பது தான் நிதர்சனம். இவ்வாறான அதிகப்படியான ஹெட்போன் பயன்பாடு நம் காதுகளுக்கு என்னென்ன பக்க விளைவுகளை ஏற்படுத்தும் என்பது பற்றியும், அதிலிருந்து தப்பிக்கும் எளிய வழிமுறைகளை பற்றிய தொகுப்பே இது..! 

பக்க விளைவு #1

ஹெட்போன்களில் இருந்து நேரடியாக காதுகளுக்குள் செலுத்தப்படும் 90 டெசிபல் ஒலியானது, காது கேட்பதில் சிக்கல் தொடங்கி காது கேளாமை பிரச்சனை வரை ஏற்படுத்தும். ஒருவர் 5 நிமிடங்களுக்கு விடாது 100 டெசிபல் ஒலியை கேட்கிறார் என்றார் அவருக்கு காது கேட்காமல் போக வாய்ப்பு அதிகம் என்பதும் குறிப்பிடத்தக்கது. 

பக்க விளைவு #2 

உங்கள் ஹெட்போன்தனை நீங்கள் மட்டுமே பயன்படுத்தமாட்டீர்கள் அல்லது பிறர் ஹெட்போன்களை சகஜமாக பயன்படுத்தும் பழக்கம் கொண்டவர் நீங்கள் என்றால் உங்களுக்கு எளிதில் காது சார்ந்த தொற்று நோய்கள் ஏற்படும் வாய்ப்பு அதிகம்.

பக்க விளைவு #3 

மிகவும் அடைப்பான ஹெட்செட்கள் உங்களுக்கு மிகவும் அருமையான இசை அனுபவத்தை தரும் அதே நேரம் உங்கள் காதுகளுக்குள் காற்றை அனுப்ப மறுக்கிறது. அது காதிரைச்சல், காது தொற்று மற்றும் காது கேளாமை போன்ற பல பிரச்சினைகளுக்கு வழி வகுக்கும்.

பக்க விளைவு #4

பெரும்பாலான நேரம் ஹெட்போன் பயன்படுத்திக்கொண்டே இருக்கும் நபர்களுக்கு காதுகள் மிக விரைவில் உணர்ச்சி இல்லாத நிலையை அடையும் என்றும், அதிலிருந்து மீண்டு வர நேரம் பிடிக்கும் என்றும் கூறுகிறது சமீபத்திய ஆய்வறிக்கை ஒன்று.

பக்க விளைவு #5 

விசித்திரமான மற்றும் அதிகப்படியான சத்தமானது காதுகளில் ஒரு குறிப்பிட்ட கூர்மையான வலியை ஏற்படுத்தும் என்பதும் குறிப்பிடத்தக்கது. 

பக்க விளைவு #6

உட்புற காது மூளையோடு நேரடியாக இணைப்பில் உள்ளதால் ஹெட்போன்களில் இருந்து வெளிவரும் மின்காந்த அலைகள் மூளையை மிகவும் பாதிப்படைய வைக்கும். இதனால் மூளை சார்ந்த பிரச்சனைகள் ஏற்படும் என்கிறார்கள் மருத்துவர்கள். 

பக்க விளைவு #7 

ஹெட்போன்களால் ஏற்படும் விபத்துகள். இந்த விளைவு பற்றிய விளக்கமே தேவையில்லை பெரும்பாலான சாலை விபத்துகள் ஏற்பட பிரதான காரணமாய் இருப்பது ஹெட்போன்கள் தான்..! 

தப்பிக்கும் வழிமுறை #1 

மிகச்சிறிய ஹெட்போன்களை, அதாவது நேரடியாக காதுகளின் ஓட்டைக்குள் செல்லும் அளவில் உள்ள ஹெட்போன்களை தவிரிக்க வேண்டும். காதுகளுக்கு வெளியே இருக்கும்படியான பெரிய ஹெட்போன்களை பயன்படுத்துவது நல்லது. 

தப்பிக்கும் வழிமுறை #2 

உங்கள் காதுகளில் பிறர் காதுகளின் பாக்டீரியா நுழையாமல் இருக்க பிறரின் ஹெட்செட்களை பயன்படுத்துவதையும் உங்கள் ஹெட்செட்களை பிறருக்கு வழங்குவதையும் தவிர்த்திடுங்கள்.

தப்பிக்கும் வழிமுறை #3 

முடிந்தவரை உங்கள் ஹெட்செட்களின் ஸ்பான்ஜ் கவர்/ ரப்பர் கவர்களை மாதத்திற்கு ஒருமுறை மாற்றுவது மிகவும் நல்லது. உங்கள் ஹெட்போன்களில் ஸ்பான்ஜ் கவர் அல்லது ரப்பர் கவர் இல்லையெனில் ஹெட்செட்தனை அடிக்கடி சுத்தம் செய்யும் பழக்கத்தை கையாளுங்கள். 

தப்பிக்கும் வழிமுறை #4 

நடக்கும் போது, பிற வாகன பயணத்தின் போதும் ஹெட்செட்களை தவிர்த்திடுங்கள், இல்லையெனில் குறைந்த அளவிலான ஒலியை கையாளுங்கள்..! 

நான்கு புதிய தனிமங்கள் கண்டுபிடிப்பின் முக்கியத்துவம் என்ன?

வேதியியல்துறையில் தனிமம் என்றும் மூலகம் என்றும் அழைக்கப்படும் வேதிப்பொருளின் அடிப்படை அலகுக்கும் ஓர் அணு எண் உண்டு.

இப்படியான தனிமங்களின் அணுஎண்களை வரிசைப்படுத்திய அட்டவணை ஆங்கிலத்தில் Periodic table என்றும் தமிழில் தனிம அட்டவணை என்றும் அழைக்கப்படுகிறது.

வேதியியல் துறையின் தனிம அட்டவணையின் மாதிரித் தோற்றம்

இந்த தனிம அட்டவணையில் இதுவரை 114 தனிமங்கள் அவற்றின் தனிப்பட்ட குணாதிசயங்கள் மற்றும் பொதுத்தன்மைகளுக்கேற்ப அணு எண்கள் கொடுக்கப்பட்டு வரிசைக்கிரமப்படி பட்டியலிடப்பட்டிருந்தன.

அந்த அட்டவணையில் நான்கு இடங்கள் காலியாக இருந்தன. அந்த விடுபட்டிருந்த நான்கு இடங்களுக்கும் பொருந்தக்கூடிய நான்கு தனிமங்கள் தற்போது கண்டுபிடிக்கப்பட்டிருக்கின்றன.

இந்த கண்டுபிடிப்பின் முக்கியத்துவத்தை பிபிசி தமிழோசையிடம் விளக்கினார் உயிர் பவுதிகத்துறை முனைவரும் முன்னாள் பேராசிரியருமான மு சுந்தரமூர்த்தி.

அவரது செவ்வியின் விரிவான ஒலி வடிவத்தை நேயர்கள் இங்கே கேட்கலாம்.

நம்ம வாழ்க்கை நல்லா போகுதா..? நாசமா போகுதா..? எல்லாரும் கண்டிப்பா பாக்கனும்

சுமார் ஒரு நாலு வருஷத்துக்கு முன்னால.. தூங்கி எழுந்ததும்.. பல் துலக்கிட்டு டீ குடிக்கலாமா..? இல்ல அப்பிடியே டீ குடிக்கலாமா..? என்பது தான் நம்மளோட முதல் சிந்தனையாக இருக்கும். ஆனால் இப்போதோ.. ஒரு செல்பீ எடுத்து.. "வோக்டு அப்" (Woked Up) என்று டைப் செய்து யாருக்காச்சும் அனுப்பிவிட்டுட்டு.. உடனே.. ஃபேஸ்புக்ல இன்னைக்கு என்ன கருத்து சொல்லலாம்..? இன்ஸ்டாகிராம்ல இன்னைக்கு என்ன போட்டோ போடலாம்..? என்று யோசிக்க ஆரம்பித்து விடுகிறோம்..!

கொஞ்சம் நேரம் அமைதியாக ஊட்காந்து யோசித்தால், இதெல்லாம் நாம் ஏன் செய்கிறோம்..? எதற்காக செய்கிறோம்..? என்று நமக்கே புரியாது. அதே சமயம் இதெல்லாம் செய்யாமல் நம்மால் இருக்கவும் முடியாது.

அந்த மாதிரியான நேரத்தில் தான் நமக்கு ஒரு கேள்வி எழும் - நம்ம வாழ்க்கை நல்லா போகுதா..? நாசமா போகுதா..?!நம்ம வாழ்க்கை நிஜமாகவே எப்படி போகுதுனு.. கீழ்வரும் ஸ்லைடர்களில் தொகுக்கப்பட்டுள்ள 16 ஓவியங்கள் உணர்த்தும்..!

01. வேற்று கிரகவாசி :

மொபைல் இல்லாதவர்கள் வேற்று கிரகவாசி போல் உணர்வார்கள்..! 

02. போஸ்ட் :

அனுபவிப்பதோ கால் கிலோ.. ஆனால், போஸ்ட் செய்வதோ 200 கிலோ..! 

03. வளர்ச்சி :

நிஜமாகவே.. பெரிய வளர்ச்சி தான் ?!

04. போட்டோ :

பிடிச்சவங்கள போட்டோ எடுக்குறத மறந்து ரொம்ப நாள் ஆச்சி..! இல்ல..?? 

05. அடிமை :

மறுபடியும் நாம் அனைவரும் அடிமையாகி விட்டோம்..! அப்படி தானே !? 

06. ரசிப்புத்தன்மை :

வீடியோ ரெக்கார்ட்டிங் பழக்கம் நம்மையும் நம் ரசிப்புத்தன்மையையும் தொலைத்து விட்டது. 

07. உரையாடல் ;

சாப்பிடும் போது நிகழ்த்தப்படும் உரையாடல்களை இப்போதெல்லாம் கேட்க முடிவதில்லை..! 

08. புதுவகை :

புதுவகையான வெயிலால் ஏற்படும் மேல் நிறம் (Tan)..!

09. தனி்மை :

நாம் தனியாக இருப்பதாய் உணர முடியவில்லை..!

10. பிராத்தனை :

உணவருந்தும் முன்பு பிராத்தனையெல்லாம் செய்ய வேண்டாம், கிளிக் செய்தால் போதும்..! 

11. அறிவு :

தொழில்நுட்ப கருவிகளின் வடிவமும் நம் அறிவும் சிரிதாகி கொண்டே போகிறது..! 

12. ஆப்பிள் :

எல்லோருக்குமே ஆப்பிள் தேவைப்படுகிறது..! 

13. கேமிரா :

புதிதாய் பிறந்த குழந்தை சந்திக்கும் கேமிராக்களின் எண்ணிக்கை கணக்கில் அடங்காது.

14. ஓடிப்போய்விட்டது :

காதல்...? காணமால் போய் விட்டது என்று சொல்வதை விட ஓடிப்போய்விட்டது என்று சொல்லலாம். 

15. போஸ்ட் :

சாப்பிடுவதை விட, "சாப்பிடும்கிறோம்..!" என்ற போஸ்ட் தான் முக்கியம்.!? 

16. சிலை :

அடுத்த தலைமுறை சிலைகளின் கைகளில், மொபைல் போன் இருந்தால் கூட ஆச்சரியப்படுவதற்கில்லை.!! 

ஸ்மார்ட்போன்களுக்கு மூடுவிழா, இனிமேல் செயற்கை நுண்ணறிவு தான்.!!

இன்றைய ஸ்மார்ட்போன்களுக்கு மாற்றாக செயற்கை நுண்ணறிவு தொழில்நுட்பம் வரும் ஆண்டுகளில் பயன்படுத்தப்பட அதிக வாய்ப்புகள் இருக்கின்றது என ஸ்வீடன் நாட்டை சேர்ந்த தொலைதொடர்பு நிபுநர்கள் தெரிவிக்கின்றனர். செயற்கை நுண்ணறிவு தொழில்நுட்பமானது கருவிகளுடனான தகவல் பரிமாற்றத்தை மேற்கொள்ள வழி செய்யும் என்றும் அவர்கள் தெரிவித்துள்ளனர்.

நாற்பது நாடுகளை சேர்ந்த சுமார் 1,00,000 பேர் கலந்து கொண்ட நேரமுக தேர்வின் அடிப்படையாக கொண்டு தயாரிக்கப்பட்ட அறிக்கையில் ஸ்மார்ட்போன்களின் தேவை முடிந்து விட்டது என்பதை உணர்த்தும் வகையில் பதில் அளித்துள்ளனர். மேலும் இந்த ஆய்வின் மூலம் தெரிய வந்திருக்கும் பல தவல்களை அடுத்து வரும் ஸ்லைடர்களில் தெரிந்து கொள்ளுங்கள்.. 

வாழ்க்கை முறை

உலகளவில் மூன்றில் ஒருவர் ஆன்லைன் சார்ந்த போட்டிகளில் ஆர்வமுடன் கலந்து கொள்வதாக அறியப்பட்டுள்ளது. மேலும் ஐந்தில் நான்கு பேர் ஆன்லைன் மூலம் அதிகம் சேமித்திருப்பதாகவும் தெரிவித்துள்ளனர். 

ஸ்ட்ரீமிங்

இளைஞர்கள் அதிகளவில் யூட்யூப் வீடியோ பார்க்கின்றனர். குறிப்பாக 16 முதல் 19 வயதுடைய சுமார் 46 சதவீதம் பேர் குறைந்தது ஒரு மணி நேரமாவது யூட்யூப் பயன்படுத்துவதாகவும் அறியப்பட்டுள்ளது. 

விர்ச்சுவல்

தினசரி பயன்பாடுகளுக்கு விர்ச்சுவல் தொழில்நுட்பத்தை வாடிக்கையாளர்கள் அதிகம் எதிர்பார்க்கின்றனர். வீடியோ அழைப்பு மற்றும் விளையாட்டு நிகழ்ச்சிகளை பார்ப்பதோடு சுமார் 44 சதவீதம் பேர் தங்களது சொந்த உணவினை அச்சிடவே விரும்புகின்றனர். 

ஸ்மார்ட் ஹோம்

அடுத்த ஐந்து ஆண்டுகளில் வீடு கட்ட பயன்படுத்தப்படும் செங்கல்களில் மின் கசிவு, கசிவு போன்றவைகளை கண்டறிய சென்சார்கள் பொருத்தப்படலாம் என 55 சதவீத ஸ்மார்ட்போன் பயனாளிகள் நம்புகின்றனர். இதை செயல்படுத்தும் துவக்கமாகவே ஸ்மார்ட் ஹோம் தொழில்நுட்பம் அமைந்திருக்கின்றது எனலாம்.

பயணிகள்

எதிர்காலத்தில் சிறிதளவு நேரத்தையும் வீணடிக்க விரும்பாதவர்கள் தனிப்பட்ட கணினி சேவைகள் கிடைத்தால் பயன்படுத்துவோம் என 86 சதவீதம் பேர் தெரிவித்துள்ளனர். 

தொடர்பு

சமூக வலைதளங்கள் ஆபத்து காலங்களில் தகவல்களை பரிமாறி கொள்ள அதிகம் பயன்படுத்தபடும் என கண்டறியப்பட்டுள்ளது. பத்தில் ஆறு பேர் ஆபத்து காலங்களில் சமூக வலைதளங்களை பயன்படுத்துவோம் என தெரிவித்துள்ளனர்.

சென்சார்

உடல் நலன் சார்ந்த தகவல்களை துல்லியமாக வழங்கும் தொழில்நுட்பம் அடுத்த வகை அணியும் கருவிகளாக உருவெடுக்கும் என எதிர்பார்க்கப்படுகின்றது. இவ்வகை தொழில்நுட்பங்களை பயன்படுத்த பத்தில் எட்டு பேர் விருப்பம் தெரிவித்துள்ளனர்.

ஹேக்கிங்

பெரும்பாலான ஸ்மார்ட்போன் பயனாளிகள் எதிர்காலத்திலும் ஹேக்கிங் மற்றும் வைரஸ் அச்சுறுத்தல்கள் இருக்கும் என்றே தெரிவித்துள்ளனர். 

ஆன்லைன் ஆதிக்கம்

வாடிக்கையாளர்கள் அதிகளவிலான தகவல்களை ஆன்லைனில் பகிர்ந்து கொள்வதால் சமூகத்தில் இதன் பாதிப்பு அதிகமாகவே இருப்பதோடு இதன் தாக்கம் அதி பயங்கரமாக இருக்கும் என்றே ஐந்தில் மூவர் தெரிவித்துள்ளனர்.

ஸ்மார்ட்போன் சூடாகாமல் பார்த்து கொள்வது எப்படி.??

புது ஆண்ட்ராய்ட் ஸ்மார்ட்போன் அதிகம் சூடாகின்றது என்ற பிரச்சனை பெரும்பாலான கருவிகளில் காணப்படுகின்றது. தற்சமயம் அதிகம் விற்பனையாகும் பிரபல போன்களான லெனோவோ கே3 நோட், யுரேகா, யுபோரியா, மைக்ரோமேக்ஸ் ஸ்பார்க், சியோமி எம்ஐ 4ஐ போன்ற போன்களுக்கு கூட இந்த பிரச்சனை ஏற்படுகின்றது. உயர் ரக ஸ்மார்ட்போன்களான ஒன் ப்ளஸ் 2 மற்றும் சோனி எக்ஸ்பீரியா இசட் போன்ற போன்களுக்கும் இந்த பிரச்சனை உண்டு. இதை எப்படி தீர்ப்பது என்பதை இங்கு பார்ப்போம்.

போனில் விளையாடுவது மற்றும் அதிகமாக ஆப்ஸ் பயன்படுத்துவது போன்ற செயல்களால் போன் அதிகளவில் சூடாகின்றது. இதை தவிர்க்க என்ன செய்யலாம். 

தேவையில்லாத தொடர்புகளை செயல் இழக்க செய்தல் அவசியம்

முதலில், இருக்கும் இடத்தை குறிக்கும் அப்ளிகேஷனை செயல் இழக்கம் (disable) செய்தல் வேண்டும். இந்த மேப் அதிக அளவு பேட்டரியை இழுக்கும். தற்பொழுது நீங்கள் இருக்கும் இடத்தை உங்கள் போன் கண்டுபிடித்து கொண்டேயிருப்பதால் தேவையில்லாமல் அதிக அளவில் போன் சூடாகின்றது. இது மட்டுமில்லாமல் மற்ற ஆப்ஸ்களான ஃபேஸ்புக், கூகுள், ப்ளூடூத், வை-பை போன்றவகைகளையும் செயல் இழக்கம் செய்யாமல் (disable) அப்படியே விட்டால் போனுக்கு அதிக அளவு சூடாகின்றது. 

மொபைல் தரவுகளை அதிக நேரம் பயன்படுத்துவது

3G மற்றும் 4G போன்ற தரவுகளை அதிக நேரத்திற்கு பயன்படுத்தினால் போனுக்கு வெப்பம் உண்டாகும். ஸ்மார்ட்போனை தொடர்ந்து பல மணி நேரம் விளையாடுவதற்கு பயன்படுத்தினால் போன் வெப்பம் அடைகின்றது. GPU தொடர்ந்து ஓடி கொண்டிருந்தாலும் போனுக்கு கெடுதல்தான். விளையாட்டுக்கு 20 நிமிடத்துக்கு ஒரு முறை பிரேக் எடுத்தல் அவசியம். 

பல பின்னணி பயன்பாடுகள்

உங்கள் மொபைலில் பல பின்னனி பயன்பாடுகள் (Background application) பயன்படுத்தினாலும் போன் சூடாகக் கூடும். இதை தவிர்க்க கிலின் மாஸ்டர் போன்ற தேவையில்லாத பின்னனி ஆப்ஸை கொல்லும் ஆப்ஸை பயன்படுத்துவது அவசியம். 

அப்டேட்ஸ்

உங்கள் ஸ்மார்ட்போனின் ஓஎஸ் மற்றும் மற்ற ஆப்ஸ்களை அடிக்கடி அப்டேட் செய்து கொள்ளவும். இப்படி செய்யவில்லை என்றால் மொபைலுக்கு சூடு அதிக அளவில் ஏற்பட்டு விரைவில் பாதிப்பு வந்து விடும்.

பழைய பேட்டரியை பயன்படுத்துவது

பழைய மற்றும் தரத்தில் குறைவான பேட்டரியை பயன்படுத்துவதால் போன் சூடாகக் கூடும். ஆகவே எப்பொழுதும் தரமான பேட்டரியை குறிப்பிட்ட டீலர்களிடம் இருந்து வாங்கி போனுக்கு பயன்படுத்துங்கள். 

வை-பை மற்றும் மற்ற சேவைகளை பயன்படுத்துவது

பலர் மொபைல் போனில் பல வேலைகளை செய்ய பயன்படுத்துகின்றனர். 3ஜி, 4ஜி போன்ற தரவுகளை அதிக அளவில் போனில் பயன்படுத்துவதால் போனுக்கு அதிகம் சூடாகின்றது. இதனால் பேட்டரியும் சீக்கிரம் காலியாகி விடும். ஆகையால் அதிக லோடு போனுக்கு வேண்டாமே.

அதிகமாக ஆப்ஸ் நிறுவுவது

போனில் அதிக அளவில் பின்னனி ஆப்ஸ்களை நிறுவினாலும் போனுக்கு கெடுதல் தான். ஃபேஸ்புக் மற்றும் மெசேன்ஜர் போன்ற ஆப்ஸ்களை அதிக அளவு பயன்படுத்தினால் போன் சூடாகும். நீங்கள் பயன்படுத்தாத ஆப்ஸ்களை அவ்வபோது நீக்கி விடுங்கள்.

அதிக நேரத்திற்கு கேம்ஸ்

அதிக நேரம் போனில் கேம்ஸ் விளையாடுவதை குறைத்து கொள்ளுங்கள். நல்ல தரமான உயர் ரக ஸ்மார்ட்போன்கள் கூட இதனால் பாதிப்பு அடையும் வாய்ப்பு உள்ளது. 20 முதல் 25 நிமிடத்திற்கு ஒருமுறை பிரேக் எடுத்தல் அவசியம். இதனால் போனுக்கு அதிக அளவில் சூடாவதை குறைக்க முடியும்.

செயல் மேம்படுத்துதல் (Processor Optimization)

உங்கள் மொபைலை பல விதங்களில் மேம்படுத்தியும் சூடாகின்றதா. பின்பு நீங்கள் செய்ய வேண்டியது ரோம் (ROM) ஆப்ஸை நிறுவ வேண்டும். இது உங்கள் போனை சூடாவதிலிருந்து காக்கும். 

சார்ஜ் செய்யும்போது ஸ்மார்ட்போன் வேண்டாமே

இது எல்லாருக்கும் தெரிந்ததுதான். இருந்தும் செய்வோம். ஆம் சார்ஜ் செய்யும் போது போனை பயன்படுத்துவது. தரவுகளையும், கேம்ஸையும் போன் சார்ஜ் ஆகும் போது பயன்படுத்தினால் போன் விரைவில் கெட்டு போகக் கூடும். ஆகையால் அந்த செயலை நிறுத்தி போனை காத்து கொள்வோம்.